Буряадхэлэнһээ информатика хүрэтэр: Буряад Уласай арбан багшанар “Ород Уласай эрхим багшанарай алтан мянган” соо ороо

Багшын ажалда туйлаһанай түлөө Буряад Уласай арбан багшанар “Ород Уласай эрхим багшанарай алтан мянган” соо ороо. Шэлэлгэ гарахын тула багшанар ажалайнгаа анализ хэхэ, өөрынгөө туйлалтануудые харуулхаһаа гадна багшанарай үргэнөөр хэрэглэдэг болоһон хэшээлэй арга зүйн бэлдэбэринүүдые харуулха ёһотой байгаа. Уласайнгаа нэрэ хүндые үргэжэ байһан арбан багшанарай тоодо хэд ороһон тухайматериал Восток-Телеинформ бэлдэбэ.

«Мянган алтан багшанар» гэһэн багшын ажалай дүй дүршэлэй Бүхэроссиин урилдаан болбол багшын болон хүмүүжүүлгын ажал ябуулга улам нарижуулхада түлхисэ бололгохо, тэдэнэй зохёохы ажалые болон мэргэжэлэй хүсэн шадалые хүгжөөхэ хэрэгтэ шэглүүлэгдэдэг юм. Энэ жэл уласай багшанарта ехэнэ амжалтатай жэл  байба.

Холбоото Ород Уласай шэлэдэг багшанарай тоодо Буряад Уласай арбан багшанар түгэсхэлэй шатада ороо. Тэрэ тоодо, буряад хэлэнэй дүрбэн багшанар гэбэл - Доржиева Дашама Дугаровна, Хэжэнгын аймагай юрэнхы болсоролой дунда һургуулиин буряад хэлэнэй багша, Улаан-Үдэ хотын 32 дугаар дунда һургуулиин буряад хэлэнэй багша Ванзатова Гэрэлма Ринчинимбуевна, Хурамхаанай 2 дугаар юрэнхы болбосоролой дунда һургуулиин багша ГармаеваБаирмаМодосоевна, Буряадай уласай үндэһэнэй 1 дүгээр  лицей-интернадай буряад хэлэнэй багша.

Мүнөө уласта буряад хэлэ хамгаалха ба хүгжөөхэ талаар ехэ анхарал хандуулагдана гээшэ. Энэ хэрэгтэ мэдэсэ ба материал үгэдэг хүнүүд - багшанартон лэ ехэ үүргэ дүүргэнэ. Буряад Уласта буряад хэлэ зааха арга зүй зохёохо ба тэрэнээ улам нарижуулха, буряад хэлээр шэнэ үеын номуудые болон һураха бэшэгүүдые бии болгохо ба эгээл шухалань – хүнэй нөөсөөр хангалга эдэ жэлнүүдтэ түсэблэгдэнэ. Болбосоролой яаманда хэлэһэнэй ёһоор, багшын мэргэжэл үргэхэ талаар ехэхэн ажал хэгдэжэ эхилээ.

Буряад Уласһаа эрхим багшанар үшөө хэд болооб гэхэдэ: Раданжапова Светлана Владимировна, Уласай буряад үндэһэнэй 1 дүгээр лицей-интернат, Меркулов Александр Александрович, Улаан-Үдэ хотын 14 дүгээр гимназиин информатикын багша, Мещерикова Ольга Александровна, 61 дүгээр лицей-интернадай англи хэлэнэй багша, Бобкова Наталия Георгиевна, Улаан-Үдэ хотын лингвистическа 3 дугаар гимназиин франц хэлэнэй багша, Дымбрылова Раджана Баяровна, Улаан-Үдэ хотын лингвистическа 3 дугаар гимназиин англи хэлэнэй багша, Жамбалова Ирина Владимировна, Нарһатын 1 дүгээр дунда һургуулиин англи хэлэнэй багша.

- Хүндэтэ багшанар, бүхэросиин урилдаанай дүнгөөр таанар өөрынгөө ажалда эрхимэй эрхимүүд гэжэ тоологдоот. Ялас гэмэ ба бэлиг талаантай залуу багша ­– ДымбрыловаРаджанаБаяровнае онсо тэмдэглэхэ дуран хүрэнэ. Таанар өөрын багшын ажалайнгаа намтарай эхиндэ байнат гэжэ һананаб, танай урда олон һонирхолтой туйлалтанууд болон габьяа байгуулалта байна. Манай болбосоролой яаман багшын мэргэжэлэй нэрэ хүндые үргэхэ талаар олон арга хэмжээ абана. Һүүлэй жэлнүүдтэ Буряад Улас энэ шэглэлээр ехэ алхам хээ, тэрэ тоодо “Жэлэй багша” гэһэн урилдаанай шэнэлэгдэһэн ушарһаа, тэндэ хэдэн жэл удаа дараалан Буряад Улас федеральна хэмжээндэ яһала һайн хэмжээндэ гаранхай, тэрэнээрээ бидэ омогорхоно гээшэбди, - гэжэ Буряад Уласай болбосоролой сайдай үүргэ гүйсэдхэгшэ Валерий Поздняков хэлэнэ.

Улаан-Үдэ хотын 3 дугаар лингвистическа гимназиин багша Раджана Дымбрыловаэнэ жэл “Буряад Уласай жэлэй багша – 2021” гэһэн нэрэ зэргэдэ хүртөө ба Ростов-на-Донуда “Ород Уласай багша” гэһэн мэргэжэлэй дүй дүршэл харуулха урилдаанай хоёрдохи шатада гаража шадаа. Залуу багша багшын гэр бүлэдэ түрэһэн намтартай – тэрэнэй эсэгэ  Баяр Самаданович Гомбоев Буряад Уласай габьяата багша ба Улаан-Үдэ хотын 9 дүгээр МАОУ СОШ-ой захирал байһан юм. Багшын ажалай бүхы орёое ба баяр баясхаланиие мэдэжэ байгаад, һургуулиин һүүлээр хаана орохоёо маргангүй багшын мэргэжэл шэлээ һэм гэжэ Раджана хэлэнэ һэн.

- Багшын ажал болбол минии һанахада, эгээл юрын лэ бэшэ мэргэжэл, – гэжэ Буряад Уласай Болбосоролой болон эрдэм ухаанай яаманай Хүндэлэлэй грамотада хүртэгшэ хэлэнэ. – Багша гээшэ – һургадаг гэжэ тоологдодог. Үнэн дээрээ хүүгэд бидэниие һургаадаг. Минии һурагшадайл ашаар яажа хүдэлхэ зам харгыгаа би ойлгодогби. Шэнэ һурагша бүхэнһөө би өөртөө мэдээжэ юумэ өөртөө нээжэ абанаб, хуушан асуудалда шэнэ харюу бэдэрдэгби ба мэргэжэлээрээ хүгжэжэ байдагби, - гэжэ тэрэ тэмдэглээ.

Буряад Уласай багшанар элдэб урилдаануудта уласай нэрэ хүндые хамгаалжа байдаг. Октябрь соо багшанар үндэрөөр сэгнэгдээ. Багшын үдэрэй урда тээхэнэ Холбоото Ород Уласта ба Буряад Уласта багшын ажалда туйлалтын түлөө эрхим багшанарта шангуудые олголгодо урилдаануудай илагшадые хүндэлхэ баяр ёһололой суглаан үнгэрөө.

– Багшын зорилго – хүүгэдые эрдэм ухаанда һургахаһаа гадна оюун ухаагаараа, баяр баясхалангаараа, амжалта болон туйлалтануудаараа һургашадтай хамта байлга болоно. Үхибүүнэй хүсэл эрмэлзэлые хамгаалжа шадаһан лэ багша амжалта туйлажа шадаха ба үдэр бүриин ажабайдал соогуур тэрэнээ абажа ябалга мүн, - гэжэ Валерий Поздняков хэлээ.

Үндэр харуулалтын түлөө, һурагшадай амжалтын түлөө болон үдэр бүриин хүндэ ажалай түлөө Буряад Уласай 10 багшанар бүхэроссиин шатын шүүгшэдэй урилдаанай материалнудые сэгнэһэнэй дүнгөөр, 200 000 түхэригөөр шагнагдаһан байна. Шагнал барюулха жэл бүриин иимэ урилдаан “Болбосорол” гэһэн гүрэнэй үндэһэн түсэлэй хүреэндэ үнгэргэгдэдэг. Тиихэдэ Буряад Уласта багшын ажалда туйлалта туйлаһанай түлөө эрхим багшанарта 50 мянган түхэригэй шагналда урилдаанай 14 илагшад хүртөө.

Бүхэроссиин орьёлнуудые ямаршье наһанай багшанар туйлажа болоно. Буряад Уласай Эколого-биологиин нөөсэ түб гэһэн нэмэлтэ болбосоролой залуу багша Бүхэроссиин багшаИрина Спирякова хуралдаанда оролсожо, багшын заншалта бэшэ «лайфхакнуудые» үзүүлжэ, хэмжээ ябуулгын хабаадагша боложо шадаа. Харин Ивалгын аймагай Поселиин һургуулиин эхин шатын багша  Елена Ступакова “Навыки мудрых” гэһэн үндэһэнэй тэмсээндэ 50+гэһэн бүлэгтэ өөрынгөө мэргэжэлэй дүй дүршэл харуулһан байха юм.

Буряад Уласай багшанар элдэб хэмжээндэ уласайнгаа нэрэ хүндые эрхим һайнаар хамгаалдаг гэжэ яаманда һайн мэдэнэ, тиимэһээ тэдэндэ тон ехэ баяртай байна. 

Анастасия Шадрина, Восток-Телеинформ.

Заметили опечатку? Выделите ошибку и нажмите Ctrl+Enter.