Туйлалта болон зорилгонууд: ажаллаһан түрүүшынгээ жэлдэ Буряад Уласай Уридшаланмэргэжэлэй һургалтын түб өөрыгөө яажа харуулаб?

Үнгэрэгшэ жэлэй сентябрь соо Уридшалһан мэргэжэлэй һургалтын түб үүргээ дүүргэжэ эхилээ һэн. Тус түбтэ эгээ хэрэгтэй ба ерээдүйн мэргэжэлнүүдээр «WorldSkills» стандартаар мэргэжэлэй һургалтын хүтэлбэри бэелүүлэгдэжэ эхилээ һэн. Буряад Уласай Уридшалаһанмэргэжэлэй һургалтын түб хэр зэргэ хэрэгтэй мэргэжэл абаха ба мэргэжэлээ дээшэлүүлхэдэ туһа хүргэһэн тухай материал Восток-Телеинформ дурадхана.

Уридшалһан мэргэжэлэй һургалтын түб 2020 оной ноябрь соо хүдэлжэ эхилээ һэн. Тэрээндэ тоон системын талмай нэбтэрүүлэгдээ юм. Тэрэнь мүнөөнэй шухала байдал, ажалай захада хубилалтануудай динамика адаглажа байдаг, ажалшадай нөөсэ болон мэдэсэ багсаамжалха, бэелүүлхээр болоһон гү, али түсэблэгдэжэ байһан хүрэнгэ оруулалтын түсэлнүүд тухай мэдээ баримтанудые суглуулдаг. Ажал эршэдүүлхэ ба мэргэжэлдэ хурдан һургаха, мэргэжэл шэлэжэ абаха, эгээ хэрэгтэй байһан, ерээдүйн мэргэжэлээр болон мэдэсээр мэргэжэл дээшэлүүлхэ талаар түб боложо шадаа.

Жэл үнгэрһэн хойно Москвагай болбосоролой гүрэнэй түбэй “Технополис” гэһэн база дээрэ ЦОПП-ой тусхай зорилгото харуулатануудые туйлаха талаар бүхэроссиин анха түрүүшын суглаан үнгэрөө. Суглаанда һая байгуулагдаһан Уридшалһан мэргэжэлэй һургалтын түбэй, Мэргэжэлэй болбосоролой хүгжэлтын хүреэлэнэй, “Россиин Ворлдскиллс” Академиин, Россиин Минпросвещениин академиин хүтэлбэрилэгшэд, мүн баһа томохон корпорацинуудай болон ажал олгогшо предприятинуудай түлөөлэгшэд оролсоо.

– Манай гүрэнэй томохон корпорацинуудай мэргэжэлтэдтэй, можонуудай ЦОПП-уудай хүтэлбэрилэгшэдтэй танилсаха ехэ һайхан забшаан болоо. Хуралдаанай үедэ Түбүүдэй ажалнуудай аласай бодолго бүрилдүүлхэ шатануудые тодорхойлхо, биснестэй харилсаха ба эрхэтэдые ажалай һуурида удаанаар оруулха механизмуудые олохо асуудалнууд шиидхэгдээ, - гэжэ Буряад Уласай ЦОПП-ой хүтэлбэрилэгшэ Марина Горюнова хөөрэнэ.

Дүхэриг шэрээгэй ажалда Мэргэжэлэй болбосоролой хүгжэлтын хүреэлэнэй болон ЦОПП-уудай хүтэлбэрилэгшэд мэргэжэлэй һургалтын сүлжээ бүрилдүүлхэ механизмуудые бэелүүлдэг түбүүдэй ажал һайжаруулха, ажал олгогшодтой харилсаха ба тусхай харуулалтануудта хүрэхэ талаар өөһэдынгөө һанамжануудаар хубаалдаа.  Суглаанда оролсогшод ажалшадай нөөсэдэ можонуудай эдэй засагай эрилтэ олохо асуудалнуудые, томохон корпорацинуудтай болон ажал олгогшо предприятинуудтай харилсаха, ажал олгохо асуудалнуудые зүбшэн хэлсээ. Ажал олгогшодтой зүб харилсаагаа тогтоожо шадаһанһаа Түбүүдэй хэрэгтэйнь харагдаха ба ажалшадай нөөсэ бодото дээрээ хэрэгтэйнь мэдэгдэхэ болоно.

Түбэй ажал һурагшадай, оюутадай, нарай хүүгэдээ харууһалха амаралтада байһан эмэгтэйшүүлэй, пенсидэ гарахаяа байһан хүнүүдэй дунда ажалаа ябуулна. Тиихэдэ тэндэ багшанар шэнэ мэргэжэлдэ һурана, тэрэ тоодо буряад хэлэ зааха багшанар – эдэ багшанар мүнөө һургуулинуудта буряад хэлэ заалгада сагай ехэ болоһон ушарһаа ехэ хэрэгтэй болоод байна. Ажалайнгаа намтар һая эхилжэ байһан хүнүүдтэ ехэ анхарал хандуулагдаа ааб даа: хирэ хирэ болоод лэЦОППБуряад ороной һургуулинуудта мэргэжэлээ шэлэхэ үдэрнүүдые үнгэргэнэ. Тиин, Хориин 2 дугаар дунда һургуулида “Мэргэжэл шэлэхэ сэдэбээр үдэр” үнгэрөө. Уридшалһан мэргэжэлэй һургалтын түб ехэ һонирхолтой хүтэлбэри һурагшадта бэлдэһэн байна.ЦООП-ой ажалшад һурагшадта болон оюутадта абяа найруулагша, гагнууршан болон ондоо мэргэжэлнүүдые туршааад үзүүлнэ. Шэнэ технологинуудые: лазерна, 3D моделировани, Jalingaинтерактивна студи болон бусадые харуулна.

Түрүүшын һарануудта Уридшалһан мэргэжэлэй һургалтын түб 2 мянга гаран һурагшадые һуралсал гаргаа. 2020 ондо 2126 һурагшадта 22 онол шадабаряар 404 мэргэжэлэй туршалтанууд болоо. Хүүгэд ямар мэдэсээр өөһэдыгөө туршажа үзөөб гэхэдэ, зайн галай хабсарагша, стилист-имиджмейкер, найруулагша, тоон системын ударидагша, олзын хэрэг эрхилэгшын эхин үндэһэн, видео бэшэлгэ, гэрэл зурагшан, абяа найруулагша, интернет маркетинг, зар мэдээ, бизнесэй программна шиидхэбэринүүд, ниигэмэй халамжын ажал, экскурсиин үйлшэлгэ зохёолго, турагентствын ажал, туроператорай ажал, аяншалга, саарһа бэшэг баримта хангалга, ниигэмэй-соёлой түсэлнүүдэй хүтэлбэрилэгшэ, гүрэнэй ба муниципальна хүтэлбэриин мэргэжэлтэн, хуули хамгаалгын ажал ябуулга мүн.

- Буряад Уласай ЦОПП түрүүшын мэргэжэлээр һурагшадые 12 наһанһаа һургалта хэнэ. Мэргэжэл шэлэлгын хэмжээ ябуулгануудые амжалтатай бэелүүлхын тула ЦОПП аймагуудай (хотын) болбосоролой хэлтэсүүдтэй, юрэнхы болбосоролой эмхи зургаануудтай хамта ажал эмхидхэхэ талаар хүдэлмэри үнгэргэнэ, - гэжэ Марина Горюнова тэмдэглээ.

Уридшалһан мэргэжэлэй һургалтын түб энэ туйлалтанууд дээрэ зогсохогүй. Бүхэроссиин суглаанай хүреэндэ ЦОПП-уудай ажал ябуулгын хүгжэлтын зорилгонуудые шиидхэхэ талаар саашанхи ажалнуудай гол шэглэлнүүд гаргагдаһан байна. Суглаанда хэлсэгдэһэн асуудалнуудые зүбшэн хэлсэлгэ 2021 оной һүүл болотор үргэлжэлхэ. Энэ түб болбосоролой шэнэ технологиин дунда мэргэжэлэй болбосоролой сүлжээ ба “Болбосорол” гэһэн гүрэнэй үндэһэн түсэлэй “Залуу мэргэжэлтэд” гэһэн федеральна түслэй хүреэндэ уридшалһан мэргэжэлэй бэлдэлгын түхэлнүүдые бэлдэхэ ба тарааха зорилотойгоор байгуулагдаһан гэжэ һануулая. 

Заметили опечатку? Выделите ошибку и нажмите Ctrl+Enter.